Македонија денеска ги дознава противниците во новото издание од Лигата на нации, можна е и балканска група
Фудбалската репрезентација на Македонија вечерва ќе ги добие противниците во новото, трето по ред, издание од Лигата на нации.
Ждрепката ќе започне од 18 часот во Нион, а „рисовите“ се наоѓаат во Лигата Ц, односно третата група по квалитет и можно е да добие противници од регионот, односно селекциите на Бугарија и Косово.
Македонија се наоѓаа во вториот шешир заедно со Грција, Белорусија и Луксенбург и со нив не може да игра, додека противник на избраниците на селекторот Благоја Милевски од првиот шешир ќе биде една од селекциите на Турција, Словачка, Бугарија и Северна Ирска.
With the UEFA Nations League draw just around the corner, this is how the teams are distributed in the pots.
Joining🇬🇪in Pot 3⤵
🇱🇹Lithuania
🇦🇿Azerbaijan
🇽🇰KosovoPot 4 tbd after Kazakhstan face Moldova and Cyprus battle Estonia in late March.
Things can go either way for us👀 pic.twitter.com/iLPZUSDX4R
— Georgian Footy (@GeorgianFooty) December 15, 2021
Во третиот шешир по квалитет се наоѓаат Литванија, Грузија, Азербејџан и Косово.
Во последниот по квалитет шешир се наоѓаат Казахстан или Молдавија, Кипар или Естонија, Гибралтар и Фарски Острови.
Натпреварите од третото издание на Лигата на нации ќе започнат на 2-4 јуни кога треба да се игра првото коло, а последното коло е предвидено да се одигра од 25 до 27 септември идната година.