Македонецот во НБА стил: Страшен „дабл-дабл“ на Јакимовски!
Андреј Јакимовски продолжува со одличните игри на Апенините. На последниот меч за својот нов клуб во Италија, момчето од Крива Паланка реализираше неверојатни 42. поени и 20. скока.
Талентираниот македонски кошаркар не престанува да ја воодушевува кошаркарската публика во Италија, поточно во Торино и околината.
На дуелот од конкуренцијата „Под 18“ години, за својот Новипиу Кампус Пиемонте, против екипата на Палаканестро Колеџ Баскетбал, Јакимовски постигна 42. поени.
Освен тоа имаше и 20. скокови на двете страни од теренот, сето тоа доволно за индекс на корисност – 57!
Тоа е и нов рекорд во оваа возрасна категорија во младинските лиги на Италија, што беше доволно, а и логично, Јакимовски да биде прогласен за МВП на овој круг од натпреварите, а навивачите да го прогласат за „Јакимонстер“.