Македонецот на „Стемфорд Бриџ“: Алиоски не се плаши од Челси!

epa08849550 Tom Davies (L) of Everton in action against Ezgjan Alioski (R) of Leeds during the English Premier League soccer match between Everton FC and Leeds United in Liverpool, Britain, 28 November 2020. EPA-EFE/Peter Powell / POOL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

В сабота од 21.00 часот во рамките од 11 коло во Премиер лигата Лидс му гостува на Челси. Лондонските „сини“ на домашен терен ќе ја имаат фаворитската улога, но играчите на менаџерот Марсело Биелса докажаа сезонава дека можат да играат и против најдобрите.

А тоа го докажаа во минималниот пораз на стартот против актуелниот шампион Ливерпул (4:3), нерешените дуели со Арсенал (0:0) и Манчестер сити (1:1), гостинските победи над подоброрангираните Астон Вила (0:3) и Евертон (0:1)..

На ново добро издание на клубот од „Иланд роуд“ се надева и верува македонскиот репрезентативец Езгјан Алиоски:

– Челси е голем клуб со врвни играчи. Добро е за нас, дојдовме во Премиер лигата и играме против вакви клубови и преку овие натпревари можеме да видиме до каде сме. Покажавме Манчестер сити и Ливерпул дека сме подготвени да направиме нешто против ваквите тимови. Исто и против Арсенал и Евертон, го имаме квалитетот, можеме само тимски да успееме.

Челси има подобри индивидуални фудбалери, но тимскиот напор кој го имаме, заедно со вербата едни во други навистина помага. Можеме да одиме каде било и да изненадиме, не се плашиме да одиме таму (на „Стемфорд Бриџ“) и да освоиме бодови – вели Алиоски.

На табелата екипата предводена од Френк Лампард (која има само еден пораз сезонава) е на третата позиција со 19 бодови, додека Лидс е на 12 место со 14.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот