Чурлинов (19), една од најголемите македонски фудбалски надежи повторно го привлекува вниманието, веќе стандарден во првиот тим на Келн, а минутажата ја искористува на најдобар можен начин.

Еднаш стрелаше против нисколигашот Фрехен, потоа запиша хет-трик односно три погодоци против Бад Дурхејм. Дефинитивно треба да се одвои и погодокот против калчолигашот Болоња во победата од 3:1, а настапи во неделата и против Виљареал.

Веќе се шпекулира околу тоа каде би играл нашиот репрезентативец, ланската сезона беше прв стрелец во јуниорската Бундес лига. Тој досега одлично се вклопува во првиот тим на Келн, но прашање е дали би бил и редовен со настапи и во најсилната германска лига.

Сега ова е важно за нас на репрезентативен план, играчот да ја одржува натпреварувачката форма, во меѓувреме се шпекулира дека турски гигант ги посакува неговите услуги.

?? #Fenerbahçe #Churlinov İkinci Eljif Elmas: Churlinov – https://t.co/YPQ5t6P0Ui

— crighton (@crightonpp) July 29, 2019

Станува збор за Фенербахче чии бои до неодамна ги бранеше Елиф Елмас кој летово направи трансфер во италијанскиот вицешампион Наполи.