Во четвртото коло од шпанската „Ендеса“ лига, кошаркарите на Хувентуд имаа тешко гостување во Андора. По 40 минути жестока борба, славеше тимот од Бадалона, со минимални (89:87). А клучни беа два потези во изведба на Ненад Димитријевиќ.

За 28 минути игра на паркетот, македонскиот репрезентативец дојде до учинок од 12 поени поени (5/9 од игра и 1/2 од линијата за слободни фрлања), седум асистенции, три скока, две освоени и пет загубени топки.

По четири круга во „Ендеса“ лигата, Хувентуд е на ефект од три победи и еден пораз.

Моментно на табелата во некомплетното четврто коло на делба на првото место се наоѓаат дури шест екипи, Реал Мадрид, Барселона, Басконија, Тенерифе, Обрадоиро и Хувентуд Бадалона со по шест бодови.

Во наредната рунда Хувентуд и Димитријевиќ на 11 октомври ќе го пречекаат Билбао кој во саботата славеше против Обрадоиро со 99:81.