Македонецот блеска на Имола: Иџе со прво и трето место на тренинзите!
„Летечкиот“ Македонец е одлично расположен пред викендот на Имола во кој ќе одржат првата и втората трка во рамките од ТЦР Италија.
Денеска на програмата завршија слободните тренинзи, на првиот тренинг Игор Стефановски го освои третото место (1:53.177 мин.) зад Феличе Јелмини и Марко Пелегрини, сите тројца ја покажаа силата со своите возила на „Хјундаи“.
Стефановски имаше уште подобри перформанси во вториот слободен тренинг освојувајќи го првото место со време 1:52.668 мин., со предност од 0,765 секунди пред второпласираниот.
Нашиот натпреварувач е гладен за нови подиуми и се надева дека на легендарната патека ќе има успешен викенд.
Вечерва ќе се одржат квалификациите, в сабота (29 август, 14.15 часот) е првата трка, а в недела од 11.34 часот е втората трка.