Македонец од Англија одбил да се вакцинира и покрај молбите на сопругата, починал од ковид по кратка борба со вирусот

Семејството Кедиоски од Ливерпул/ Фото Foto: GoFundMe/Robert Karalioski

Глигор Кедиоски, Македонец кој живеел во Англија и покрај молбите на сопругата не сакал да се вакцинира. Откако се заразил со ковид-19, тој поминал околу три недели во болница. Тој на 2 јануари починал на 45-годишна возраст како последица на ковид-19.

Кедиоски бил роден во Прилеп, а живеел во Ливерпул со сопругата Билјана и нивната петгодишна ќерка.

Тој бил познат во заедницата како дарежлив човек и добар пријател кој го живеел животот во потполност. Бил вработен во фабрика, а за време на пандемијата работел и како доставувач, пишува Ливерпул Еко.

Три недели во болница

Во декември, откако се заразил со ковид, тој бил примен во болницата во Ливерпул. Тој одбил да се вакцинира против коронавирусот, иако сопругата Билјана постојано го убедувала да го стори тоа.

Тој помина околу три недели во болница и починал на 2 јануари.

Неговите пријатели и семејството сега собираат пари за телото на Глигор по негова желба да биде пренесено во Македонија.

„Додека тој се уште беше свесен, таа му носеше македонската храна што тој ја сакаше“

„Беше одличен пријател – еден од оние луѓе што е тука за тебе ако ти треба помош. Беше познат по тоа. Го запознав во Ливерпул, но и двајцата сме од исто место. Тој беше малку постар од мене. Стана навистина многу добар пријател“, вели Роберт Каралиоски, пријател на Глигор Кедиоски.

„Кога беше примен во болница, само на Билјана ѝ беше дозволено да го посети. Таму минуваше цели денови, особено во последната недела. Последните два дена дури и ги спиеше во болница“, рече Каралиоски.

„Кога го ставија во индуцирана кома, таа сакаше да биде покрај него за да може да разговара со него и да му пушта музика. Додека беше свесен, таа му носеше македонската храна што тој ја сакаше. Таа беше тука за него цело време ,” тој додаде.

Неговата сопруга е целосно вакцинирана

Бидејќи освен Билјана никој не смеел да го посети Глигор, семејството од Македонија постојано му се јавувало на телефон и му праќале многу пораки.

„Неговиот татко е се уште жив. Желбата на Глигор и неговото семејство била неговото тело да се врати во Македонија. Семејството секој ден и се јавува на Билјана и прашува кога ќе пристигне телото“, изјави Роберт.

„Сите се обидуваат да помогнат. Ова е навистина тежок период, особено за неговата ќерка. Таа постојано прашува кога татко ѝ се враќа од болница; што е најтешко да се одговори“, додаде тој.

Роберт рече дека Глигор не сакал да се вакцинира, иако неговата сопруга била целосно вакцинирана.

„Се плашеше од вакцината, не беше сигурен како ќе функционира. Се плашеше дека ќе добие некои несакани ефекти. Билјана постојано го убедувала да се вакцинира, но безуспешно. Затоа сега сакаме да укажеме на важноста на вакцинацијата со оваа приказна“, изјави Роберт.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот