Мајсторката за Денвер, Торонто силен против Филаделфија (ВИДЕО)
Денвер нагетс со 90:86 го совлада Сан Антонио спарс во последниот седми натпревар од првата рунда во плејофот во Западната конференција и во полуфиналето ќе се сретне со Портланд.
Најзаслужен за триумфот беше српскиот центар Никола Јокиќ ко во мајсторката оствари трипл-дабл од 21 поен, 15 скокови и 10 асистенции со што стана третиот кошаркар по Леброн Џејмс и Меџик Џонсон, во историјата, на НБА лигата кој остварил повеќе од еден трипл-дабл во дебитанската серија во плејфот. Одличен настап имаше и Џамал Мареј со 23 поени, додека кај Сан Антонио, најпрецизни беа Демар Дерозан и Бен Форбс со по 19 постигнати поени.
Во Источната конференција, Торонто поведе со 1:0 во победи против Филаделфија откако на отворањето на полуфиналната серија триумфира со 108:95. Фантастична партија имаше Каваи Ленард кој постигна 45 поени и имаше 11 асистенции, додека Паскал Сиакам застана на 29 поени.