Мајка од пеколот: Ги фрлила близнаците веднаш по раѓањето, пожарникарите спасија само едно заглавено меѓу два ѕида
Спасувачите откриле дека девојчето лежи во дупка длабока девет метри и дека е опкружена со цевки и цигли. На бебето се уште не му била исечена папочната врвца.
Работниците од итните служби во Мексико спасиле бебе откако мајката, по раѓањето близнаците ги фрлила од станот, а девојчето останало заглавено меѓу два ѕида во Мексико Сити.
Службениците го пронајдоа и безживотното тело на детето, за кое се верува дека е нејзин брат близнак. Телото на детето е пронајдено врз куп ѓубре пред домот, пренесоа локалните медиуми.
Нивната мајка, идентификувана само како Жакелин, уапсена е и хоспитализирана. Нејзиниот сопруг Хозе се наоѓа во бегство.
Снимката од спасувањето на новороденчето ја објави Секретаријатот за јавна безбедност во Мексико. На него е прикажан моментот кога спасувачите го извлекуваат бебето на сигурно, откако по неколку часа, успеале да го пробијат ѕидот и да дојдат до него.
Спасувачите стигнале пред зградата каде мајката го фрлила бебето, откако жителите пријавиле дека слушнале детски плач.
Откриле дека девојчето лежи во дупка длабока девет метри и дека е опкружена со цевки и цигли. На бебето се уште не му била исечена папочната врвца.
Спасувачкиот тим морал да влезе низ станот на еден сосед и да го пробијат ѕидот за да стигнат до бебето.
Медицинскиот преглед покажал дека бебето има први знаци на хипотермија. Според пишувањето на локалните медиуми, девојчето е во стабилна состојба.