Амбер Фелтнер (37), мајка на осум деца, починала од последиците на коронавирусот, а младата жена битката ја изгубила на 21 септември, откако била хоспитализирана.

Сопругот на починатата Амбер Травис Фелтнер, осум дена пред нејзината смрт објавил на Фејсбук дека неговата сопруга тешко дише и дека е хоспитализирана за да биде приклучена на респиратор.

Но, на жената, во меѓувреме, ѝ се влошила клиничката слика и ѝ откажале бубрезите, па набрзо и починала.

Фото: Принтскрин/Фејсбук/Травис Фелтнер

На денот на смртта, Травис објавил семејна фотографија:

„Ја изгубивме најдобрата мајка на светот, сопруга и пријател“, напишал неутешниот сопруг.

Во разговорот за „WLWT5“, сопругот открил дека Амбер не била вакцинирана, како и дека се плашела од реакциите на вакцината. Како што раскажал, коронавирус прво добила нивната 19-годишна ќерка, но таа била добро, но и дека не му е јасно како неговата сопруга се заразила, пренесува „Хелт магазин“.

– Сопругата, со коронавирус се заразила или од децата кои го донесоа од училиштето или во продавницата. Не сум сигурен – рекол Травис.