Карен Алперт на својот блог објави шеговита листа со т.н. забрани, кои се однесуваат на бабите и дедовците, кога ги чуваат внуците.

„Драги баби и дедовци, ви благодарам што ни помагате и што ги чувате нашите деца. Многу сме благодарни, но би биле уште поблагодарни ако испочитувате уште неколку нешта.“

Таа нагласила дека често има проблеми поради разгалувањето на децата и дека едноставно, не може да ги препознае кога ќе ги земе дома.

Ова се нејзините забрани:

1. Ве молам, немојте постојано да им давате слатки. Тој шеќер ги прави децата мали чудовишта.

2. Не оставајте вклучен телевизор во позадина. Прегласно е, а и децата не треба постојано да зјапаат во екран. Внимавајте и на програмата.

3. Користете ги сигурносните појаси во кола, кацигите за велосипед, креми за сончање, влажни марамици… Знам дека велите дека е чудо што се живи и сериозна сум кога велам „да, чудо е“.

4. Немојте децата да ги оставате надвор со часови, поминаа времињата кога излегуваат во 9 наутро и се прибираат во 5 попладне.

5. Времето за спиење е време за спиење и тука нема попуштање. Нема ни гледање телевизија пред спиење.

6. Внимавајте и на обврските, ако се на гости не значи дека не треба да напишат домашна.

7. Ако нешто навистина сакате да им купете, нека бидат тоа чорапи и долна облека. Играчки имаат доволно.

8. Не ми се смејте на листата на броеви за итни случаи. Не ги фрлајте броевите на педијатарот и нивниот матичен лекар.

Ако им недостигаме, едноставно кажете им дека ќе се вратиме и дека не сме ги оставиле. Толку е лесно.