Нешто слично како мајката на браќата Далтон од стрипот за Таличниот Том, една мајка се обидела да го извлече синот од затвор од Укрина, но била фатена и сега најверојатно и таа ќе заврши зад решетки.

Педесетиедногодишната жена изнајмила куќа во близина на затворот во Запорошката област на југот од Украина.

Потоа со лопати и мотики копала тунел на длабина од три метри и долг 10 метри се до затворските ѕидини.

Mother faces jail after audacious attempt to single-handedly dig a 35ft-long tunnel to free her son from prison https://t.co/dflpQt8ivN

— Daily Mail Online (@MailOnline) August 3, 2020

Копала само навечер за да не привлече внимание, а до куќата патувала со електричен скутер.

Земјата ја носела во гаража, а од тунелот ја вадела на посебени дрвени колички, пренесува РТС.

Пред да биде фатена, таа ископала и изнела околу три тони земја за три недели од кога ја започнала операцијата.

Локалното население смета дека жената добро се подготвила и дека е во прашање ќерка на рудар со оглед на тоа дека за толку кратко време направила толку голем тунел – пренел „Дејли Мејл“.

За време на претрагата во куќата, полицијата пронашла рачен алат за копање. Жената инаку добила пофалби од Украинците.

– Ова е вистинска мајка, не е тие кои ги напуштаат своите деца – гласи еден коментарите на социјалните мрежи.