Мајами ќе биде противникот на Лејкерси во големото НБА финале (ВИДЕО)

epaselect epa08702832 Miami Heat head coach Erik Spoelstra (L) and Miami Heat forward Bam Adebayo (R) celebrate with the Miami Heat team after the NBA basketball Eastern Conference finals playoff game six between the Boston Celtics and the Miami Heat at the ESPN Wide World of Sports Complex in Kissimmee, Florida, USA, 27 September 2020. The Head won the game and will face the Los Angeles Lakers in the NBA Championship Finals. EPA-EFE/ERIK S. LESSER SHUTTERSTOCK OUT

„Жешките“ го совладаа Бостон селтикс со 125:113 во шестиот натпревар во финалето на Источната конференција и триумфира во серијата со 4:2 во победи.

Екипата на Мајами хит во големото НБА финале ќе игра против Лос Анџелес Лејкерс, а првиот меч е закажан на 1. октомври.

Во последниот шести натпревар од финалето на Источната конференција, се мирисаше дека ќе се игра мајсторска, но Мајами успеа да направи пресврт и да слави на крајот. Интересно е што екипата на Бостон во сите шест натпревари против Мајами водеше во последната четвртина, но на крајот победи на само две средби.

Овој пат јунак на Мајами беше Бам Адебајо кој негативата од шест поени на својот тим во последната четвртина ја анулира играјќи го најдобриот натпревар годинава. Адебајо кој постигна 32 поени, имаше 14 скокови, на седум минути до крајот постигна или асистира во 11 поени по ред во неверојатната серија на неговиот тим од 26:6 со која беше направен пресврт и беа уништени шансите на Бостон да се избори за одлучувачки седми натпревар.

Покрај Адебајо, уште пет кошаркари на Мајами хит постигнаа двоцифрен број на поени, а интересно е што крилото Андре Игудала шеста година по ред ќе игра во големото НБА финале, откако пет години по ред играше со Голден Стејт вориорс и освои три шампионски титули.

На Бостон не му помогна одличната игра на Џејсон Тејтум и Џејлен Браун кои заедно постигнаа 50 поени и имаа 15 скокови и 15 асистенции.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот