„Магија“ на Иниеста за финале во јапонскиот куп! (ВИДЕО)
Поранешната ѕвезда на Барселона со гол придонесе во победата на Висел Кобе од 3:1 во дуелот против Шимизу, во полуфиналето на фудбалскиот куп на Јапонија.
Андрес Иниеста (35) беше стрелец на првиот гол со кој Висел поведе со 1:0. Шпанскиот ветеран беше повлечен од игра во 89. минута од натпреварот.
Iniesta just scored this goal for Vissel Kobe in the Emperor's Cup. pic.twitter.com/zxfrn9oUby
— Fasih (@FalseInterior) December 21, 2019
Шпанскиот интернационалец игра и втората година во јапонскиот клуб, во 2019 имаше шест погодоци од 23 мечеви во националниот шампионат.
Во составот на Висел, целиот куп меч го одигра Белгиецот Томас Вермален, додека Лукас Подолски кој исто така е член на клубот, остана на клупата за резерви.
Во финалниот меч, противник на Висел ќе биде подобриот од другото полуфинале во кое се среќаваат Кашима и В-Варен Нагасаки.