Во рамките од 32 коло во најсилното шпанско првенство екипата на Реал Мадрид славеше со 0:1 на гостувањето кај Еспањол.

Единствениот гол на овој натпревар се случи во 45 минута, убаво со пета асистираше Бензема до Каземиро кој стрелаше во мрежата на Лопез.

На шест кола до крајот на сезоната во „Ла Лига“ водат „кралевите“ со 71 бод, два повеќе од Барселона.

Во наредната лигашка рунда играчите на Зинедин Зидан на 2 јули ќе го пречекаат Хетафе, а претходно оние на Кике Сетиен на 30 јуни на „Камп Ноу“ ќе играат против Атлетико Мадрид.

Претходно во неделната програма Виљареал беше подобар од Валенсија (2:0), Еибар триумфираше кај Гранада (1:2), а македонскиот репрезентативец Енис Барди постигна гол во новата победа на Леванте на дуелот со Бетис.