Издавачкиот центар „Три“ ја објави книгата за деца „Се гледаме во Опсан“ од шведската авторка Сила Јакерт, во превод на Ивица Челиковиќ. Книгата е дел од новата едиција „Магични приказни“, поддржана од програмата „Креативна Европа“ на Европската Унија.

Во приказната на романот детскиот фокус е свртен кон самоодговорноста да се порасне надминувајќи ги семејните кавги, промени и проблеми. Шведската авторката успеала да претстави неколку детски ликови што пленат со својата едноставност и што поттикнуваат на размислување за нивното место во семејството и во светот.

Сила Јакерт е шведска авторка на книги за деца. Иако формално образование стекнала во општествените науки и историја, таа работи како уредник на весник и сценарист. Во 2013 година ја добила наградата „Чатал“ на Сојузот на писателите на Шведска за дебитантската книга „Денешни катастрофи“. Во 2014 година го објавила „Се гледаме во Опсан“, книга за сите мали и големи деца.

(Текстот е објавен во „Културен печат“ број 25, во печатеното издание на „Слободен печат“ на 4-5 април 2020)