Почина кларинетистот Боки Милошевиќ

366

Познатиот српски кларинетист Божидар Боки Милошевиќ, починал во болница во Белград, објави српски „Курир“. Имаше 87 години.

Милошевиќ беше познат кларинетист, шеф на Народниот оркестар на Радио-телевизија Белград, професор на музичката школа „Јосип Славенски“ и член на Белградската филхармонија.

Мајсторот за кларинет е роден во Прокупље во 1931 година, а со музика почнал да се занимава од 1950 година. Дипломирал и магистрирал на Музичката академија во класата на професорот Бруно Брун.

– Ако навистина сакате да научите да свирите, за еден инструмент ви се потребни два живота – говореше своевремено Боки Милошевиќ пред новинарите, кој зад себе остави четири деца, од кои три успешно се занимаваат со музика.