Мачка го украде вниманието од моделите и прошета по модната писта (ВИДЕО)
Видеото кое на Јутјуб е прегледано повеќе од 20 милиони пати насмеа многумина. На видеото мачка залутала и станала ѕвезда на една модна ревија во Истанбул.
Мачката случајно се нашла на пистата додека се оддржувал Vakoo Esmod International Fashion Show и го одземала целото внимание.
Во почетокот таа само лежела и ги гледала манекенките кои ја заобиколувале, а потоа одлучила и самата да се прошета на пистата и да покаже како изгледа вистински „catwalk“.
Организаторите не биле сигурни од каде се појавила, но одлучиле да не ја избркаат со оглед на тоа дека го добила вниманието од публиката.
„Сите беа во шок“, рекол за The Dodo модниот дизајнер Џоксен Хаки Али.
Кога го прашале дали мачката ќе има иднина во модната индустрија, тој се насмеал и одговорил дека се е возможно.