Љуљета Адеми од Македонија, првата жена со инвалидитет која го искачи Триглав (ФОТО)
На највисокиот словенечки врв Триглав, за прв пат се искачи жена со инвалидитет. И токму таа жена, која успеа да се искачи на 2864 метри, е од Македонија. Станува збор за Љуљета Адеми, која преку статус на социјалните мрежи го потврди овој успех.
Пишува дека тоа било извонреден, но и многу опасен предизвик. „17 часа кaчување, спуштање, болка, страв, замор, но со железна воља успеав”, напишала Адеми меѓу другото на Фејсбук, објавувајќи и слики од настанот.
Таа порачува дека во животот секој човек треба да има сон, или да стане дел од сон, од визија, но ниеднаш не треба да седи пасивен.
Водич на Адеми при оваа искачување бил Мишко Танески.