Лукашенко: Нема да дозволам да ја разбијат Белорусија на парчиња и да приредат масакр
Белорускиот претседател Александар Лукашенко објасни дека на поглаварот на белоруските католици – надбискупот Тадеуш Кондрушевич не му бил дозволен влез во земјата бидејќи „добил одредени задачи во Полска“.
Лукашенко додаде дека „тоа со него сакаат дополнително да го проучат и ако се покаже дека се е чисто и по закон, дека ќе се постапи по закон“.
– Не нè интересира кој е Кондрушевич, дали е главен католик, главен православен или главен муслиман. Мора да се живее по закон“, порача Лукашенко.
Белорускиот лидер во интервју за РТ, во кое практично се обрати до сонародниците, истакна дека му треба одмор, но и мирен живот.
– Не можете да замислите колку сакам да се одморам. Сакам и јас да живеам мирно, човечки. Не е работата во власта, туку во тоа што не сакам да дозволам да ја разбијат Белорусија на парчиња. Нема да дозволам да страдаат чесни луѓе кои ја градеа мојата земја. Тоа, ако овие на улица ја преземат власта, не би било лустрација што некои ја заговараат, туку масакр. Кај нас би било полошо отколку во Украина“, нагласи Лукашенко во дел од интервјуто за РТ.