Белорускиот претседател Александар Лукашенко изјави дека е подготвен да го прекине протокот на руска енергија доколку Полска ги затвори границите со Белорусија, што може да ги зајакне тензиите меѓу двете земји поради миграцијата.

Белорусија е во конфликт со Европската унија поради мигрантите на нејзината западна граница. ЕУ ја обвинува Белорусија дека донела илјадници луѓе од Блискиот Исток и ги принудува да влезат на територијата на Унијата преку Полска, Литванија и Летонија. Минск ги демантира таквите наводи.

Полскиот министер за одбрана, Мариуш Блашчак, пак, истакна дека белоруското аташе за одбрана било повикано откако светилките поставени од полските војници во близина на градот Тереспола биле оштетени од воздушни напади.

– Провокациите на белоруските војници се апсолутно неприфатливи, напиша Блашчак на Твитер.

Полскиот претседател Анджеј Дуда потпиша нови прописи со кои и дозволува на Владата да го ограничи пристапот до областите околу границата со Белорусија.

Извор: МИА