Лукашенко бесен на ЕУ: Доколку сакаат проблеми заради санкциите, тоа и ќе добијат
Претседателот на Белорусија, Александар Лукашенко денеска во разговор со премиерот Роман Головченко изјави дека ако Европската унија сака нови проблеми со воведувањето на санкции за неговата земја, тоа и ќе добие.
-Едноставно ќе кажам за да ме разберете: Ако Европјаните сакаат проблеми заради овие санкции, тие и ќе ги добијат. Веќе ништо нема да кажам. Времето ќе покаже. Само едно ве молам – дајте ми информации за најкрупните европски проекти кај нас и претпријатијата кои се отворени на територијата Белорусија. Да ја видиме нивната работа. Главно е дека ништо нема да остане без одговор, рече Лукашенко, а пренесе Спутник.
Лукашенко праша – на кого му се потребни санкции и зошто?
-Ние ја штитиме државата. Ние, целиот народ, сакаме да живееме во својата земјата. Ние ја браниме. И нас, потоа, заради тоа со санкции не удираат по глава? Заради тоа треба да одговораат – рече претседателот на Белорусија.
Премиерот Головченко после состанокот со Лукашенко изјави дека одлуките за нови контрасанкции ќе бидат донесени во зависност од ситуацијата, додава Спутник.