Лукашенко: Белорусија купи од Русија ракетни системи С-400 и ракети „Искандер“
Белорусија купи од Русија противвоздушни системи С-400 и ракети „Искандер“, изјави денеска белорускиот претседател Александар Лукашенко.
Изјавата на белорускиот претседател доаѓа на 85-от ден од почетокот на руската воена операција во Украина, што почна на 24 февруари. Белорусија, главниот сојузник на Русија и земја што се граничи со Украина, стана база за руската офанзива.
„Се договоривме со рускиот претседател Владимир Путин“, изјави Лукашенко, а пренесе неговата прес-служба на каналот Телеграм.
Тој додаде дека е набавено „потребното количество” од ова оружје, без да даде други детали.
„Со ова оружје, тоа е веќе сосема поинаква армија“, кажа Лукашенко, додавајќи дека тоа оружје може „да предизвика огромна штета“.
Извор: МИА
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот