Лукаревска: Општина Карпош е пример за домаќинско и одговорно работење

Сања Лукаревска / фото: Архива на Слободен Печат

Маалските средби вечерва продолжија во Карпош каде што заменик – претседателката на СДСМ Сања Лукаревска, градоначалникот на општина Карпош, Стефан Богоев и кандидатот за градоначалник Душко Весковски се сретна со жителите на Карпош 1 во оваа скопска општина.

Пред присутните Лукаревска посочи дека Карпош е една од најразвиените општини и пример за домаќинско и одговорно работење, за што сведочат бројните проекти кои во овие четири години се реализираа преку општинскиот буџет, но и преку поддршка на градската и централната власт.

Преку програмата ТАВ се инвестира во изградба на Мостот Карпош, што ќе ги поврзува Карпош 4 со Волково, во изградба на улицата Партизанска 2, како и во партерно уредување со реконструкција на пешачка зона и платформата на станбено-деловен комплекс – Порта Влае, што почна на 12 август и ќе заврши во ноември 2021.

-Во овој дел од градот инвестиравме и во условите за развој на најмалите. Изградена е градинка со капацитет за 78 деца во Бардовци. Во тек е изградба на градинката Карпош 3, со капацитет од 100 деца. Ја зголемивме енергетската ефикасност во две градинки на територијата на оваа општина, со замена на надворешните прозорци и врати во градинката Мајски цвет и замена на нееколошкиот систем за греење во градинката Пролет, порача Лукаревска.

Осврнувајќи се локалните избори заменик претседателката посочи дека на овие локални избори СДСМ излегува со чесна понуда.

Денес СДСМ со граѓаните, со членството ја комплетираше најдобрата понудата од 69 градоначалници со кои одиме на сигурна победа. Имаме одлична кадровска понуда, одлични програми. Карпош направи одличен, победнички избор со Душко Весковски. Само со СДСМ е сигурен локалниот и регионалниот развој, само со СДСМ е сигурен напредокот, истакна Лукаревска на средбата во скопски Карпош.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот