Лукаку: Серија А е технички и тактички подобра од Премиер лигата
Белгискиот напаѓач Ромелу Лукаку вели дека италијанската лига е тактички подобра од англиската, но Премиер лигата е посилна во поглед на интензитетот.
После освоената титула со милански Интер, по вторпат во неговата кариера се пресели во редовите на Челси за 115 милиони евра и очекувањата се големи.
– Не зборувам за лични амбиции, но тие се совпаѓаат со амбициите на клубот. Челзи сака да победи, да расте и да доминира со англискиот фудбал и Европа. Тоа е нешто што го сакав и сега сум тука, така што останува на мене да помогнам во исполнувањето на тој потенцијал – рече Лукаку за клупската веб-страница.
Лукаку беше во дресот на „сините“ и пред 10 години како тинејџер, но тогаш не се наметна. Во меѓувреме, тој беше во Вест Бромвич, Евертон, Манчестер јунајтед и Интер.
Back in the building! @ChelseaFC pic.twitter.com/wcAXdnIhzZ
— R.Lukaku Bolingoli9 (@RomeluLukaku9) August 16, 2021
– Италија е тактички и технички подобра лига, но тука во Англија сета игра се сведува на интензитет. Тоа е она што ја прави разликата, но нема проблем за мене затоа што играв осум години и знам како стојат работите. Многу добро знам што да очекувам. Ја знам лигата, постигнав многу голови во неа, но минатото е минато и сега гледаме напред – вели Лукаку.
Неговиот трансфер во Челси е најскапиот трансфер на играч кој ја напуштил Серија А.