„Нероаѕурите“ до победата дојдоа благодарение на одличниот напаѓач, Ромелу Лукаку, кој беше стрелец на двата гола.

На првиот гол се чекаше до 64. минута кога Лукаку немаше проблем да постигне гол по одличната аситенција на Барела. Седум минути подоцна, белгискиот репрезентативец беше прецизен од ударот од белата точка за триумф од 2:0.

За Интер деби настап имаше најновото засилување кое треба да помогне во трката за титулата, Кристијан Ериксен, кој дојде од Тотенхем.

Со ова победа, Интер се врати на второто место на табелата со 51 бод, два повеќе од Лацио кој пак има натпревар помалку.

Лидер на табелата е Јувентус со 54 бодови. Екипата на Удинезе за која не настапи македонскиот репрезентативец, Илија Несторовски, остана на 15. место на табелата со 24 бода.