Лука Јовиќ стана „крал“
Српскиот репрезентативец потпиша шестгодишен договор со Реал Мадрид, објави весникот „Марка“, а веста ја потврди и кралскиот“ клуб на својот официјален интернет сајт.
Според информациите, Лука Јовиќ потпиша шестгодишен договор со Реал Мадрид кој ќе му носи 10 милиони евра по сезона.
„Кралскиот“ клуб се согласи да му плати 60 милиони евра на Ајнтрахт Франкфурт, а од таа сум дури 30 проценти ќе одат на сметката на Бенфика.
– Заминувањето на Јовиќ е голема загуба за нас, но добивме финанска понуда која не можевме да ја одбиеме – изјави Фреди Бобич, спортскиот директор на Ајнтрахт.
Лука Јовиќ имаше фантастична сезона за германскиот тим, постигнувајќи 27 голови на 47 натпревари, а дури 10 постигна во Лигата на Европа.