Лука Дончиќ е суперѕвезда во НБА, неговиот дрес е втор најомилен кај фановите
Словенечкиот кошаркар кој втора сезона е дел од најсилната кошаркарска лига, НБА, Лука Дончиќ освен што ги воодушевува експертите, тој е миленик на навивачите.
Дресот на кошаркарот на Далас маверикс со број 77 е вториот најпродаван дрес откако сезоната во НБА лигата продолжи во меурот во Дизни Ворлд во Орландо. На врвот е кошаркарот на ЛА Лејкерс, Леброн Џејмс, неговиот дрес со број 23 е е најпродаван во периодот од 30 јули до 28. септември.
На третото место на најпродавани дресови е тој на Ентони Дејвис од ЛА Лејкерс, а потоа следат и дресовите на Џејсон Тејтум од Бостон и Јанис Адетокумпо од Милвоки.
Иако не играа во завршницата, Стеф Кари и Кевин Дурант се уште се меѓу најомилените кај НБА фановите, а листата на 10 најпопуларни кошаркари чии дресови се најбарани ја затвораат Демиен Лилард, Каваи Ленард и Џими Батлер.
Интересно е што меѓу најпродаваните е и дресот на центарот на Денвер нагетс, Никола Јокиќ е на 14. место на најпродавани дресови.