Луѓето во САД и Велика Британија добиваат мистериозни пратки од Кина на домашна адреса (ВИДЕО)
Граѓаните на Велика Британија и САД веќе некое време примаат по пошта чудни пакети со семиња од Кина што не ги нарачале, пишуваат светските медиуми.
Не е целосно јасно зошто луѓето ги добиваат пакетите, но е издадено предупредување во САД.
Пакетите често имаат натпис на кинески дека внатре има накит, веројатно за да се избегнат проверки на биосигурност или дополнителни трошоци.
Иако повеќето пакувања пристигнуваат во САД, од кои 630 во Флорида, луѓето во Англија исто така започнаа да примаат слични пратки, а на социјалните медиуми има објави кои тврдат дека непорачаните пратки стигале и во други европски држави, како и Јапонија, Канада, Тајван и Австралија.
Министерството за земјоделство на САД издаде изјава во која се вели дека тие се свесни дека луѓето низ целата земја примаат ненарачани пакети семиња од Кина.
Министерството за земјоделство смета дека може да биде еден вид измама што ја користат разни компании на Интернет кога сакаат да го подобрат рекламирањето на своите производи. Тие им испраќаат на луѓето пратки со своите производи, за да добијат позитивен коментар на нивната страница.
Одделот за земјоделство откри дека меѓу семињата што ги добиле американските граѓани се нане, зелка, рузмарин,лаванда, хибискус и рози. Тие исто така ги предупредиле граѓаните да не ги насадуваат семињата, туку да ги пријават.
Mystery about the unsolicited seeds packages from China. They arrived in the US, EU, Japan, UK, Canada, Taiwan and Australia. It is unknown why China sends them. Caution is advised. Do not open them, don't touch them, don't plant them. Report to police. pic.twitter.com/KF9BLdOBwj
— ?alpнacenтaυrι? (@alphacentauriii) July 31, 2020
Во Велика Британија, Агенцијата за заштита на животни и растенија при Министерството за животна средина, храна и рурални работи издаде слична изјава:
– Биосигурноста е од витално значење и спроведуваме обемни инспекции за да ги заштитиме нашите растенија и дивиот свет, велат од агенцијата.
UPDATE! MDARD continues to receive multiple reports of consumers receiving unsolicited packages of seeds in the mail that appear to be sent from China and other countries. If you received unsolicited seeds, take the following steps:https://t.co/KU5po0Jqsg pic.twitter.com/Fs5UglJIWO
— MI Ag & Rural Dev (@MichDeptofAg) July 30, 2020
Портпаролот на кинеското Министерство за надворешни работи Ванг Венбин изјави дека има ограничувања за испраќање семиња по пошта од Кина.
-Кинеските и американските пошти се во преговори за враќање на овие лажни пратки во Кина, рече Венбин.