Во Бундеслигата веќе се одиграа пет кола, вчера тргна и Ла Лига, бикендов се враќаат и итлаијанските екипи, а наредната недела тоа ќе го стори и Премиер лигата.

Единствено француската Лига 1 е откажана, а политичките власти сфатија дека донесоа грешна одлука и сега размислуваат како прекинатата сезона да ја завршат на теренот.

Првиот човек на францускиот фудбал, Ноел ле Гре, за весникот „Лекип“ потврди дека лично претседателот Емануел Макрон се заложил Лига 1 да се продолжи и шампионот да се добие на теренот. Макрон сака да оди чекор понапред во однос на останатите европски лиги и сака на трибините да има и навивачи.

– Претседателот е свесен што се случува во светот. Сака што побрзо да се врати фудбалот и тоа со гледачи доколку е возможно. Во наредните неколку дена тој ќе има серија разговори со медицинските експерти по ова прашање – изјави Ле Гре.

Лига 1 беше откажана во април, а за шампион беше прогласен ПСЖ кој во моментот на прекинот беше лидер на табелата.