Дејан Станковиќ ќе биде новиот тренер на Црвена звезда, е веста која одекна како бомба кај навивачите на „црвено-белите“. Главниот адут за еуфорија на „Делиите“ е приватна порака која излезе во јавноста, а Станковиќ ја пратил на некој близок пријател или роднина. Очигледно е дека не можел повеќе да ја чува тајната и да се стрпи со официјалната разделба на Звезда со Владан Милојевиќ.

„Само да ти јавам дека станав тренер на Црвена звезда, напиј се нешто и за мене, поздрав“, гласее аудио пораката на Станковиќ која веднаш се прошири помеѓу навивачите на Црвена звезда кои веднаш ја поставија на социјалните мрежи.

Ево за оне који нису чули… pic.twitter.com/FsU3mDHEqU

— Duh Sa Sekirom (@BVukasevic) December 18, 2019

Дејан Станковиќ во српскиот шампион пристигна како 14-годишно момче, а за првиот тим на „црвено-белите“ дебитираше на 16 години и шест месеци со што е вториот најмлад дебитант во историјата на клубот, веднаш зад Милко Ѓуровски.

Тој на клупата на Црвена звезда доаѓа без никакво искуство во самостојно водење на екипи. Тој му беше асистент на Стамачони во Удинезе, а пред неколку месеци почна да ги тренира децата на Интер.