Од денеска во продажба се пуштени поединечните билети за следните два домшни натпревари на Вардар, во ЕХФ Лигата на шампионите со Порто и во СЕХА Газпром лигата против Нексе. Продажбата ќе се врши на билетарницата на СЦ „Јане Сандански” – Скопје и онлајн преку www.ticketplus.mk

На 22 септември Вардар го игра вториот натпревар од групната фаза од ЕХФ лигата на шампионите против Порто. Натпреварот е закажан за 17 часот во Спортскиот центар „Јане Сандански”.

Цената на билетите за натпреварот со Порто се:
трибина – 350 денари
А блок – 400 денари

Купувањето на билетите е можно 24/7 преку онлајн – www.ticketplus.mk и на билетарницата на СЦ „Јане Сандански” секој работен ден од 10 до 18 часот.

Воедно на 24 септември македонскиот шампион ќе биде домаќин на Нексе во СЕХА Газпром лигата. Мечот е закажан за 20.45 часот. Цената на билетот за овој натпревар е 50 денари.

Истиот може да се купи преку онлајн – www.ticketplus.mk и на билетарницата на СЦ „Јане Сандански” секој работен ден од 10 до 18 часот.