ЛШ: Вардар денеска ќе го игра првиот меч од осминафиналето против Веспрем

моралес вардар ппд загреб
Куни Моралес стана миленик на вардаровата публика/Фото: Драган Митрески/Слободен печат

Денеска со почеток од 18.45 часот во СЦ „Јане Сандански“ – Скопје екипата на Вардар 1961 ќе го игра првиот натпревар од осминафиналето од Лигата на шампионите против Веспрем од Унгарија.

Тренерот на скопските „црвено-црни“ Давид Дејвис е свесен дека ривалот ја има фаворитската улога, но ветува дека во првите 60 минути на домашен терен заедно со навивачите македонскиот првак ќе се бори да оствари победа против силниот и квалитетен противник.

А кога сме кај фановите, пред стартот на средбата ќе се организира фан зона во склоп на СЦ „Јане Сандански“ која ќе трае од 16.00 до 18.30 часот.

Составот на Вардар 1961 за денешниот меч: Ристовски, Томовски, Стоилов, О. Њокас, Валчак, Куни Моралес, Георгиевски, К. Њокас, Диало, Чувара, Тото, Гаџа, Талески, Дибиров, Додиќ, Ѓукиќ.

Судии на натпреварот ќе бидат Хрватите Далибор Јуриновиќ и Марко Мрвица, додека ЕХФ делегат е Предраг Павичевиќ од Црна Гора.

Потсетување дека победникот од овој двомеч, во четвртфиналната фаза на ЛШ ќе ги одмери силите против данскиот Алборг.

Фленсбург со совлада Пик Сегег, реми на ПСЖ во Норвешка

Видео на денот