Шкендија по првиот меч во Естонија има минимална предност од 1:0 и со добри шанси да се пласира во следната фаза од квалификациите.

Тимот на Османи најавува дека максимално сериозно ќе му пристапат и на денешната пресметка и со сите сили ќе одат на нов триумф.

Познат е и стартниот состав, на голманската позиција е Захов, во одбраната Мици, Муслиу, Бејтулаи и Мурати. Потоа, во средниот ред се Хусмани и Алими, веднаш пред нив Радески, А. Ибраими и Тотре, а најистурен во нападот Б. Ибраими.

Победникот од овој дуел во второто квалификациско коло од Лигата на шампионите ќе оди на подобриот од пресметката Сараево-Селтик.

Шкотите по првиот дуел имаат позитива од 3:1, па можен уште еден спектакл во главниот град, но треба првин да се помине првото коло.