ЛШ: Реал без Бејл против Манчестер сити! (ФОТО)
Тренерот на „кралскиот“ клуб одлучи велшката ѕвезда да не се најде во составот за дуелот од Лигата на шампионите против Манчестер сити.
Реал Мадрид на реваншот на „Етихад“ стадионот доаѓа со негатива од 1:2, Зинедин Зидан го објави списокот од 23 играчи, а помеѓу нив не е Герет Бејл, како и Џејмс Родригез.
Возвратната пресметка ќе се игра в петок од 21.00 часот за пласман на „Фајнал-ејт“.
Бејл не беше ниту во тимот минатиот месец против Леганес во последниот дуел од сезоната во „Ла Лига“.
Велшанецот последниот настап го имаше во домашната победа од 2:0 против Мајорка на Александар Трајковски во јуни.
Бејл кој има договор до 2022 година, четирипати ја освои ЛШ со Реал и често се поврзува со заминување од „Бернабеу“, но тој не сака да се пресели во друг клуб.
Составот на Реал Мадрид за дуелот против Манчестер сити: Куртоа, Ареола, Алтубе, Карвахал, Милитао, Серхио Рамос, Варан, Начо, Марсело, Менди, Хави Хернандез, Крос, Модриќ, Касемиро, Валверде, Иско, Азар, Бензема, Лукас, Јовиќ, Асенсио, Брахим, Винисиус Јр., Родриго.
? ¡Estos son los 24 jugadores convocados para enfrentarnos al @ManCityES.@CodereApuestas | #HalaMadrid pic.twitter.com/BXZLu27KKk
— Real Madrid C.F. (34?) (@realmadrid) August 5, 2020