ЛШ: Ракип и Малме со минимална предност ќе патуваат во Исланд
Малме на домашен терен триумфираше со 3:2 против Викингур Рејкјавик во првиот натпревар од првото квалификациско коло во Лигата на Шампионите.
За домаќините стартер беше македонскиот репрезентативец Ердал Ракип кој настапи до 80 минута.
Головите за Швеѓаните ги постигнаа Олсон, Тоивовен и Бирманчевиќ, а на спротивната страна за Исланѓаните стрелаа Ингасон и Гудјонсон.
Реванш средбата меѓу Викингур и Малме ќе се одигра на 12 јули во Рејкјавик.
Во другите мечеви: Пјуник Ереван – Клуж 0:0, Лудогорец – Сутјеска 2:0, Балкани – Жалгирис 1:1, Лех Познањ – Карабах 1:0, ТНС – Линфилд 1:0 и Шамрок Роверс – Хибернијанс 3:0.