ЛШ: Познати учесниците во Келн, жрепката за полуфиналните двојки на 24 мај
Ги дознавме сите четири екипи кои ќе се борат на Фајнал-фор турнирот во Келн на 18 и 19 јуни за титулата во ЕХФ Лигата на шампионите.
Пласман во полуфиналните борби обезбедија екипите на Кјелце (Полска), Барселона (Шпанија), Кил (Германија) и унгарскиот Веспрем на македонскиот репрезентативец Дејан Манасков.
На реваншот од четвртфиналниот двомеч меѓу ПСЖ и Кил во Германија триумфираше германскиот претставник со 33:32, на првиот меч во Франција немаше победник (30:30).
Кил во Келн ќе ја брка својата петта европска титула, Барселона која е најтрофејна има 10 титули, Кјелце беше еднаш шампион во 2016 година, а Веспрем четирипати беше финалист, но ниту еднаш досега не се искачил на тронот.
Како што најавија од Европската ракометна федерација (ЕХФ), жрепката за полуфиналните двојки во ЛШ ќе се одржи на 24 мај во вторник.
Get your tickets for the #ehffinal4 in Cologne on https://t.co/VR2HgnCz9l and tune in for the draw on Tuesday 24 May when the semi-final pairings will be determined ⭐ pic.twitter.com/bSoCIYdjiE
— EHF Champions League (@ehfcl) May 19, 2022