ЛШ: Одлични вести за ПСЖ, со Рамос патува во Манчестер

Искусниот дефанзивец Серхио Рамос конечно во тимот на Покетино/ фото: EPA-EFE/CHRISTOPHE PETIT TESSON

Серхио Рамос за прв пат по доаѓањето во клубот ќе биде дел од ПСЖ, денеска и официјално беше потврдено од францускиот клуб.

Поранешниот капитен на Реал Мадрид се бореше со повреди од средината на јули кога пристигна во Париз, но се опорави и денеска неговото име за прв пат се најде на списокот на Маурисио Покетино.

Шпанскиот дефанзивец се врати во вистински момент, ќе биде на клупата на дербито со Манчестер сити, а ПСЖ има императив да победи доколку сака да го освои првото место во групата.

„Граѓаните“ имаат девет бода, париските „светци“ осум и ова е решавачкиот натпревар за врвот.

Добра вест е што тука е и Килијан Мбапе кој беше болен, па така ПСЖ во најсилниот тим гостува во Манчестер. Натпреварот Сити – ПСЖ е закажан за в среда од 21.00 часот.