ЛШ: Наполи со Елмас на реваншот против Барселона
Денеска клубот од „Сан Паоло“ го објави списокот на играчи на кои ќе смета тренерот Џенаро Гатузо за реванш осминафиналниот натпревар на „Камп Ноу“ од Лигата на шампионите.
Помеѓу повиканите е и македонскиот репрезентативец Елиф Елмас, потсетување дека првиот меч заврши 1:1, па така ќе им биде потребно на „наполитанците“ да постигнат еден гол за да ги одржат шансите за пласман во следната фаза.
? I convocati di #BarçaNapoli
? https://t.co/uJmp2wbngG? #ForzaNapoliSempre pic.twitter.com/1o95GQXG0g
— Official SSC Napoli (@sscnapoli) August 7, 2020
Во составот на Наполи се наоѓаат: Мерет, Оспина, Карнезис, Марио Руи, Луперто, Максимовиќ, Ди Лоренцо, Хисај, Кулибали, Манолас, Деме, Алан, Фабиан, Елмас, Зиелински, Лоботка, Каљехон, Љоренте, Лозано, Мертенс, Политано, Инсиње, Милик.
Во каталонскиот состав поради жолти картони нема да игра Бускетс, поради црвен ќе отсуствува Видал, а повредени Куенка, Дембеле, Морер и Умтити.
Под знак прашалник за настап во саботната средба се Араујо, Гризман и Ленгле, додека на спротивната страна Гатузо има помалку проблеми, односно неизвесно е само дали ќе играат Манолас и Максимовиќ кои исто така се жалат на повреди.
Реваншот помеѓу Барселона и Наполи е в сабота (21.00 часот), а победникот во четвртфиналето на стадионот „Да Луж“ во Лисабон ќе ги одмери силите против Баерн Минхен или Челси (3:0).
Веќе се познати две четвртфинални двојки во ова елитно натпреварување, Аталанта-ПСЖ и Лајпциг-Атлетико Мадрид.
