ЛШ, Матеус: Левандовски е подобар и од Меси!
Легендата на германскиот фудбал, Лотар Матеус пред мечот од четвртфиналето во Лигата на шампионите во кој ќе се сретнат Баерн и Барселона предност му дава на својот поранешен клуб.
– Кога зборуваме за Барселона важно е да се напомене дека тоа не е истата екипа како пред неколку години кога беа недопирливи. Го имаат Меси, играч кој е способен индивидуално секогаш да направи нешто добро. Но, тоа не е доволно да се победи тим каков што е Баерн – рече Матеус.
Воедно Германецот смета дека Баварците во своите редови имаат фудбалер кој е подобар и од аргентинската ѕвезда.
– Роберт Левандовски не е само најдобар напаѓач на денешницата, тој е моментно најдобар фудбалер на светот во сите сегменти на играта, подобар и од Меси – додаде Матеус.
Четвртфиналниот дуел во ЛШ помеѓу Барса и Баерн ќе се игра на 14 август со почеток од 21.00 часот на стадионот „Да Луж“ во Лисабон.