Денеска во реванш натпреварот од четвртфиналето во ЕХФ Лигата на шампионите составот на Веспрем загуби во Данска од Алборг со 37:35.

Но, благодарение на победата од првиот меч од седум голови разлика (36:29), Унгарците се пласираа на Фајнал-фор турнирот кој ќе се одржи во Келн на 18 и 19 јуни 2022 год.

Во текот на мечот гостите воглавно беа во предност, а во последните 15 минути од мечот Данците го свртеа резултатот во своја корист, нивната најголема позитива неколку пати достигнуваше „плус три“.

Ви победничките редови доминираше Бјорнсен со девет голови, исто толку постигна и Јул-Ласен, седум беа дело на Кристенсен.

На спротивната страна по шест погодоци реализираа Лауге Шмид и Мае, а пет имаше Маргуч. Македонскиот репрезентативец Дејан Манасков не се запиша во листата на стрелците.