ЛШ: Манасков и Веспрем од „минус четири“ негатива до победа над ПСЖ

ПСЖ не издржа во финишот, големи бодови за играчите на Илиќ/Веспрем, Унгарија/16 септември 2021/Фото: EPA-EFE/Csaba Krizsan

Се одиграа и првите три натпревар од групата „Б“ во Лигата на шампионите, во дербито Веспрем на домашен тенре со 34:31 го совлада ПСЖ.

Иако Унгарците на 15 минути до крајот на мечот имаа негатива од „минус четири“ (20:24) на крајот направија целосен пресврт и дојдоа до значајни бодови во натпреварувањето.

Египќанецот Омар беше најефикасен во триумфот со 10 погодоци, два помалку забележа хрватското лево крило Штрлек.

Македонскиот репрезентативец Дејан Манасков беше во составот на Веспрем, но не се запиша во листата на стрелците.

На спротивната страна за француската екипа Данецот Микел Хансен се истакна со седум голови, а пет беа дело на Лука Карабатиќ.

Динамо Букурешт пред своите навивачи со 32:29 славеше над Кјелце, а Порто на нашиот голман Никола Митревски загуби кај Мотор Запорожје со 30:27. Рундата ќе биде комплетирана со дуелот Флензбург – Барселона.

Видео на денот