Денеска во натпреварот од Лигата на шампионите во групата „Б“ Барселона на домашен терен со 30:29 славеше против Нант. На тој начин каталонскиот клуб продолжува со победничката серија, ја забележа и 12 победа во низа од почетокот на сезоната за максимални 24 бода.

Иако Барса беше многу блиску да го претрпе и првиот пораз во ЛШ, откако Французите имаа и „плус четири“ во одредени периоди од денешната средба (12:16, 13:17, 14:18, 15:19).

Гостите ја испуштија таквата убава предност, иако во самиот финиш беа уште еднаш во водство, минимално од 27:28, но и тоа го прокоцкаа, а домаќините до крајот на мечот врзаа три гола во серија и дојдоа до новиот триумф во елитното натпреварување.

За шпанскиот претставник доминираа Арино, Гомез и Мем со по пет голови, а на спротивната страна девет погодоци запиша Ривера.

Во редовите на Нант настапи и македонскиот репрезентативец Кирил Лазаров кој забележа три голови.