ЛШ, квалификации: Јувентус со 12 голови во мрежата на ЖФК Каменица Саса
Денеска во квалификацискиот натпревар за Лигата на шампионите во женска конкуренција на гостински терен во Италија ЖФК Каменица Саса загуби убедливо од Јувентус со резултат 12:0.
Македонскиот фудбалски шампион целосно немоќен пред доминантниот Јуве, а тоа го докажа и самата статистика после мечот.
Домашната екипа имаше дури 55 обиди (28 во рамките) кон голот на ЖФК Каменица Саса, а нашиот претставник ниту еден.
Хет-трик запишаа Сташкова и Карусо, два гола имаше Џирели, а по еден гол имаа, Росучи, Бонансеа, Заманиан и Бонфантини.
Во следниот меч нашата екипа ќе ги одмери силите со поразениот од пресметката Ст. Полтен (Австрија) и Бешикташ (Турција).