Извлечени паровите за четвртфиналето во Лигата на шампионите
Откако во текот на неделата ги добивме најдобрите осум во Лигата на шампионите, денес беа извлечни и четвртфиналните парови во најелитното европско натпреварување.
Најмногу претставници во четвртфиналето има Италија (Милан, Интер и Наполи), Англија има два (Манчестер Сити и Челси), а по еден Шпанија (Реал Мадрид), Германија (Баерн Минхен) и Португалија (Бенфика). Свој претставник ќе има и Македонија со Елиф Елмас кој го носи дресот на Наполи.
Најголемото дерби е Манчестер Сити – Баерн Минхен, но секако ништо помалку интересна не е ниту пресметка помеѓу Реал Мадрид и Челси. Интер ја доби Бенфика која беше најпосакуваниот тим во ждребот, додека Милан и Наполи ќе одлучуваат кој ќе оди во полуфиналето во италијанска пресметка.
Може да се каже дека Италијанците имаа добар ждреб затоа што победниците од Интер – Бенфика и Милан – Наполи ќе играат во полуфиналето, па многу лесно може да видиме италијански претставник во финалето.
ЧЕТВРТФИНАЛЕ ЛИГА НА ШАМПИОНИ
Реал Мадрид – Челси
Манчестер Сити – Баерн Минхен
Mилан – Наполи
Интер – Бенфика
Првите натпревари се играат на 11. и 12. април, а реванш дуелите се една недела подоцна, односно на 18. и 19. април.
