Денеска со жрепка беа формирани полуфиналните двојки на Фајнал-фор турнирот од машката ракометна Лига на шампионите кој ќе се одржи во Келн (Германија) годинава на 28-29 декември.

Како што е веќе познато поради пандемијата на коронавирусот, беа откажани осминафиналните натпревари од минатата сезона 2019/20, помеѓу кои беше и дуелот Вардар 1961-Пик Сегед.

ЕХФ одлучи место на завршниот турнир да играат Барселона, ПСЖ, Кил и Веспрем кои беа на првите две позиции во групите „А“ и „Б“.

Ждребот одлучи унгарскиот Веспрем во чии редови настапува македонското лево репрезенативно крило Дејан Манасков во полуфиналето да ги одмери силите против Кил.

А во втората полуфинална средба Барселона ќе се соочи со ПСЖ на чија клупа е екс тренерот на Вардар 1961 и воедно наш поранешен селектор, Раул Гонзалез.