Номе Калју е свесен за квалитетот на македонскиот шампион Шкендија, но и ги анализираше воедно слабостите на нашиот претставник. Дуелот денеска од Талин ќе се игра од 18.00 часот.

– Мораме да веруваме во нашите сили, најважни ќе бидат дисциплината, самодовербата кај фудбалерите и концентрацијата од првата до последната минута. Со таков начин можеме да дојдеме до позитивен резултат. Шкендија е типичен балкански тим, кој сака да нападне, но има и свои „мирни“ периоди. Воедно оваа екипа ја красат и неколку тактички опции – вели стратегот на Номе Калју, Кожуховски.

Се надева дека по првите 90 минути неговите играчи нема да примат гол, но и знае дека ќе има и реванш во Скопје.

Своите очекувања во пресрет на вечерашниот дуел ги сподели и тренерот на ФК Шкендија, Ќатип Османи.

Победникот од оваа пресметка во второто квалификациско коло од ЛШ ќе игра со подобриот од Селтик и Сараево на нашиот Крсте Велкоски.