17.8 C
Скопје

ЛШ: Дибиров со најдобриот гол, Скубе во тимот на колото! (ВИДЕО)

Спектакуларната комбинација со фантастичен финиш на вардаровите ракометари против Украинците е најдоброто во изборот на ЕХФ тв..

Изминатиот викенд Вардар успеа со победата над Мотор Запорожје и официјално да го обезбеди пласманот во осминафиналето во ракометната Лига на шампионите.

Македонскиот и европски шампион по подолго време им се врати на победите и во вистински момент, и покрај тешката ситуација во која се наоѓа клубот.

Во Спортскиот центар „Јане Сандански“ навивачите беа осмиот играч на „црвено-црните“, играчите на Алушовски возвраќаа со голови и убави потези.

А кога сме веќе кај атрактивните погодоци, повторно Вардарци се во изборот на ЕХФ тв. Овој потег веќе беше објавен веднаш после одиграниот натпревар, и дефинитивно се најавуваше дека ќе биде во Топ 5 најдобри голови.

ЕХФ тв ја смести спектакуларната комбинација со фантастичен финиш на Сташ Скубе и Тимур Дибиров на првото место.

Освен тоа, словенечкиот плејмејкер Скубе се најде во тимот на колото, после блескавата партија против Украинците како прв стрелец со осум голови.

Покрај Скубе како најдобар среден бек, во ова друштво се наоѓаат уште: левото крило – Уго Деска (Монпелје), лев бек – Жоан Канелјас (ПИК Сегед), десен бек – Алекс Душебаев (Кјелце), десно крило – Мариус Штајнхаузер (Флензбург), пивот – Хенрик Пекелер (Кил), голман – Андреас Вулф (Кјелце).

Поврзани вести

ВИДЕО: Не издржаа, се истепаа англиските и шкотските фанови

Слободен печат

Храбрата Шкотска и зеде бод на Англија

Слободен печат

Хрватите очајни: Спори сме, не заслуживме повеќе од реми

Слободен печат

Ѓоковиќ го продаде станот во Мајами за шест милиони долари

Слободен печат

ФОТО: Фудбалерите го „сефтосаа“ теренот на „Јохан Кројф“ арената

Слободен печат

Навивачите на Парма не му простуваат на Буфон: Си замина како платеник, сега не може да се вратиш како херој

Слободен печат

Остави Коментар