ЛШ: Дибиров со четврти гол на колото, Гедбан во Топ 5 одбрани! (ВИДЕО)
Македонскиот и европски шампион Вардар изминатиот викенд ремизираше на домашен терен (28:28) против полскиот состав на Кјелце.
На овој дуел својата најдобра партија досега во сезоната ја имаше алжирскиот голман Калифа Гедбан, посебно во второто полувреме кога одбрани фантастични топки во клучните моменти.
Една од неговите одбрани се најде во изборот на ЕХФ, во Топ 5 одбрани на колото, поточно сместена на петтата позиција.
ТОП 5 ОДБРАНИ НА КОЛОТО ВО ЛШ, ПОГЛЕДНЕТЕ ТУКА
Исто така руското лево крило на нашиот првак, Тимур Дибиров се најде во Топ 5 голови на колото, односно се наоѓа на четвртото место.
ТОП 5 ГОЛОВИ НА КОЛОТО ВО ЛШ, ПОГЛЕДНЕТЕ ТУКА
Моментно „црвено-црните“ се на третата позиција во групата „Б“ и наредното осмо коло ќе го играат во Полска против Кјелјце на 16 ноември со почеток од 18.00 часот.