Во нов формат денеска ќе стартува второто коло од групната фаза во Лигата на шампионите – клубовите го играат вториот од вкупно осум натпревари во елитното клупско фудбалско натпреварување.

Од 18.45 часот ќе играат Ред Бул Салцбург – Брест и Штутгарт – Спарта Прага, а од 21.00 часот се закажани следните мечеви: Арсенал – ПСЖ, Барселона – Јанг Бојс, Баер Леверкузен – Милан, Борусија Дортмунд – Селтик , Интер – Црвена звезда, ПСВ – Спортинг и Слован Братислава – Манчестер сити.

Средбата меѓу Арсенал и ПСЖ е еден од најинтересните натпревари на вечерта – лондонскиот клуб го пречекува францускиот шампион во третиот меѓусебен натпревар. Досега двата меча завршија нерешено, а клубовите сакаат да го поправат несовршениот впечаток од првите натпревари.

Во првото коло Арсенал ремизираше 0:0 со Аталанта, додека ПСЖ ја победи Жирона на македонскиот репрезентативец Бојан Миовски со 1:0 со голот на Нуно Мендеш.

– Противникот со кој играме е еден од најсилните во Европа, што е голема шанса да видиме како се справуваме со таков противник и колку сме подготвени – рече тренерот на Арсенал, Микел Артета.

Who is winning today? 🤔#UCL pic.twitter.com/iUOCfPBSam

— UEFA Champions League (@ChampionsLeague) October 1, 2024